60 YILLIK YUBILEY — FIDOYILIK VA MEHNAT E’TIROFI

Andijon davlat chet tillari institutining 60 yillik yubileyi munosabati bilan o‘tkazilgan tantanali tadbirda institut taraqqiyotiga munosib hissa qo‘shib kelayotgan professor-o‘qituvchilar va xodimlar taqdirlandilar.

Yubiley tadbirlarini yuqori saviyada tashkil etishda jonbozlik, tashabbuskorlik va fidoyilik ko‘rsatgan jamoa a’zolariga tashakkurnomalar hamda esdalik sovg‘alari topshirildi.

Shuningdek, bir guruh professor-o‘qituvchilar va xodimlar Oliy ta’lim, fan va innovatsiyalar vazirining Faxriy yorlig‘i bilan taqdirlandilar.

Bu e’tirof — yillar davomida institut ravnaqi, ta’lim sifati va ilm-fan taraqqiyoti yo‘lida sidqidildan xizmat qilgan insonlarga bildirilgan yuksak hurmat va ehtirom ifodasidir.

Andijon davlat chet tillari instituti axborot xizmati