TALABALAR UCHUN «MY LIFE PLANNER» MAVZUSIDA MAHORAT DARSI TASHKIL QILINDI

Xusan Mamasaidov AQShga uyushtirgan safarlarining birida amerikalik senator ayol ajoyib taqvim sovg‘a qiladi. Tadbirkor mazkur rejalar taqvimidan  bir necha yillar davomida foydalanib kelgan.

My Life Planner –  barcha kasb egalari uchun foydali kundalik bo‘lib, u har bir kuningizni to‘g‘ri taqsimlashingizga yordam beradi.

Andijon davlat chet tillari instituti rektori D.A.Rustamovning maxsus taklifiga asosan 17-noyabr – Xalqaro talabalar kuniga talabalar uchun munosib sovg’a sifatida institutga O’zbekistonning eng yirik tadbirkorlari Xasan va Xusan Mamasaidovlar tashrif buyurdilar.

Ularni rektor Dilshodbek Abduvahidovich kutib oldi va kichik suhbat tashkil qilindi. Shundan so’ng institut faollar zalida mehmonlar ishtirokida mahorat darsi o’tkazildi.

Mahorat darsi Xusan Mamasaidov tomonidan «My life planner» mavzusida o’tlazilib, bu barcha ishtirokchi talaba-yoshlar uchun manfaatli bo’ldi.

Tashrif yakunida institutda tashkil qilinayotgan Maktabgacha yoshdagi bolalar pedagogikasi o’quv-amaliy laboratoriyasi bilan tanishdilar.