INSTITUTDA “OCHIQ ESHIKLAR KUNI”

Bugun – 29.03.2024-yil kuni Andijon davlat chet tillari institutiga “Ochiq eshiklar kuni” doirasida Andijon tumani Maktabgacha va maktab ta’limi bo’limiga qarashli 45-umumta’lim maktabi bitiruvchilari tashrif buyurdilar.

Ularni institutning Oʻquv ishlari boʻyicha prorektori E.E.Kurbanov kutib oldi va institut haqida umumiy ma’lumotlar berib o’tdi.

Shundan soʻng institutda tashkil qilingan “Institut gid tarjimoni” jamoasi a’zolari tashrif buyurgan maktab bitiruvchilarini institut boʻylab ekskursiya qildirdilar.

Ekskursiya davomida ALTAIIM binosi, sport zali, ARM, oʻquv xonalari, kafedralar tanishtirib oʻtildi. Institut professori, Ingliz tili nazariyasi kafedrasi mudiri S.Solijonov ham mehmonlarga institut tarixi, bu yerdagi faoliyati haqida soʻzlab berdi.

Kichik majlislar zalida esa institut rektori D.A.Rustamov bilan uchrashuv tashkil qilindi. Uchrashuv davomida rektor Dilshodbek Abduvahidovich oʻquvchi-yoshlarga ilm olish va shu orqali koʻzlangan yuqori maqsadlarga erishish xususida mulohazalarini aytib oʻtdi.