Andijon davlat chet tillari institutining navbatdagi Kengash yig‘ilishi xushxabarlar bilan boshlandi

 ​Ayni vaqtda Andijon davlat chet tillari institutining navbatdagi 6-sonli Kengash yig‘ilishi ko‘tarinki ruhda o‘tkazilmoqda. An’anaga ko‘ra, yig‘ilish institut ilmiy jamoasining erishgan yangi muvaffaqiyatlarini e’tirof etish bilan boshlandi.

 ​Institut rektori, professor Dilshodbek Abduvahidovich Rustamov Kengash avvalida Oliy attestatsiya komissiyasi tomonidan tasdiqlangan ilmiy daraja va ilmiy unvon egalariga diplom hamda shahodatnomalarni tantanali ravishda topshirdi.

 ​Xususan, quyidagi professor-o‘qituvchilarimiz o‘zlarining ilmiy yutuqlari bilan jamoamiz faxriga aylanishdi:

 ​Falsafa doktori (PhD) ilmiy darajasi bilan:

 ​Toshtonov Soyibjon Abdusami o‘g‘li;
 ​Djalaldinova Maloxat Zuxurdinovna.

 ​Dotsent ilmiy unvoni bilan:

 ​Bogdanovich Gennadi Aleksandrovich;
 ​Sultonkulov Otabek Jasurovich;
 ​Axmedov Azimjon Ilxomovich.

 ​Ushbu yutuqlar institutimizning ilmiy nufuzini oshirish barobarida, ta’lim sifatini yangi bosqichga olib chiqishda xizmat qiladi.

 ​Andijon davlat chet tillari instituti jamoasi nomidan barcha olimlarimizni erishilgan ilmiy zafarlar bilan samimiy muborakbod etamiz! Ilm yo‘lidagi izlanishlaringiz bardavom bo‘lsin!

 Andijon davlat chet tillari instituti axborot xizmati