MALAYZIYA VA AVSTRALIYA UNIVERSITETLARI BILAN YANGI ISTIQBOLLAR

 ​Andijon davlat chet tillari institutida xalqaro aloqalarni rivojlantirish va talabalarga jahon andozalaridagi ta’lim imkoniyatlarini taqdim etish maqsadida navbatdagi nufuzli uchrashuv hamda seminar tashkil etildi.
​
 Institutimizga nufuzli xorijiy oliy ta’lim muassasalari vakillari tashrif buyurdilar:

 ​Mahloil Farmonov — City University Malaysia vakili;
 ​Abdukholikov Abdulaziz — MAHSA University (Malayziya) vakili;
 ​Firuzjon Gulov — Murdoch University (Avstraliya) vakili.
​
Mehmonlar tomonidan talabalar va yosh tadqiqotchilar uchun o‘tkazilgan maxsus vebinarda quyidagi masalalar yoritildi:

 ​Ta’lim yo‘nalishlari: Malayziya va Avstraliya universitetlaridagi zamonaviy fakultetlar va o‘quv dasturlari;
 ​Grant dasturlari: Xalqaro talabalar uchun ajratilgan grantlar va moliyaviy qo‘llab-quvvatlash tizimi;
 ​Shart-sharoitlar: Xorijda o‘qish, yashash va ilmiy izlanishlar olib borish uchun yaratilgan imkoniyatlar.
​
Uchrashuvning eng muhim yangiligi — xorijiy oliygohlar vakillari tomonidan Andijon davlat chet tillari instituti talabalari uchun 70 foizgacha chegirmalar taqdim etilishi bo‘ldi. Bu imkoniyat talabalarimizning dunyoning eng nufuzli universitetlarida bilim olishlari uchun keng yo‘l ochadi.
​
✔️ Mazkur tashrif institutning xalqaro nufuzini oshirish bilan birga, talabalarning global mehnat bozorida raqobatbardosh kadr bo‘lib yetishishlarida navbatdagi strategik qadam bo‘lib xizmat qiladi.

🏛 Andijon davlat chet tillari instituti axborot xizmati