INSTITUTDA ENDI TOEFL iBT IMTIHONLARI TASHKIL ETILADI: XALQARO HAMKORLIKDA YANGI QADAM

 ​Andijon davlat chet tillari instituti xalqaro aloqalarni kengaytirish ва talabalarga jahon standartlariga mos sharoitlar yaratish borasida navbatdagi muhim natijani qo‘lga kiritdi.

 ​Bugun institutga dunyoga mashhur TOEFL iBT (Test of English as a Foreign Language) vakillari tashrif buyurdilar. Nufuzli mehmonlarni institut rektori, professor Dilshodbek Abduvahidovich Rustamov qabul qildi.

 ​Samimiy va konstruktiv ruhda o‘tgan muzokaralar davomida tomonlar ta’lim sifatini baholash, xalqaro sertifikatlash tizimini takomillashtirish hamda o‘zaro manfaatli hamkorlikni yo‘lga qo‘yish masalalarini muhokama qildilar.

 ​Uchrashuv yakunida erishilgan asosiy natijalar:

 Institut va TOEFL iBT tashkiloti o‘rtasida rasmiy hamkorlik shartnomasi imzolandi;
 Endilikda TOEFL iBT test sinovlari bevosita Andijon davlat chet tillari institutida ham tashkil etiladi;
Vodiy viloyatlari yoshlari uchun xalqaro sertifikat olishda qo‘shimcha qulayliklar yaratiladi.

 ​E’tiborlisi, ushbu hamkorlik qog‘ozda qolib ketmadi — amaliy ishlarga darhol start berildi. Hamkorlikdagi ilk imtihon jarayonlari ertaga, 2026-yil 31-yanvar kuni institut binosida bo‘lib o‘tadi.

 ​Bu kabi hamkorliklar Andijon davlat chet tillari instituti jamoasining xalqaro reytinglardagi o‘rnini mustahkamlash va oliygohning global ta’lim maydonidagi jozibadorligini oshirishga xizmat qiladi.

Andijon davlat chet tillari instituti axborot xizmati