TALABA-YOSHLAR CHEMPIONLAR BILAN UCHRASHDI

Bugun – 03.06.2024-yil kuni Andijon davlat chet tillari instituti katta majlislar zalida Osiyo, Jahon va Olimpiada chempioni Hasanboy Do’smatov hamda Osiyo chempioni, Osiyo o’yinlari g’olibi, Jahon chempionati kumush medali sohibi Iqboljon Xoldorovlar bilan talaba-yoshlar uchrashuvi bo’lib o’tdi.

Uchrashuv bokschilarning qisqacha fikr-mulohazalari bilan boshlandi. Shundan so’ng talaba-yoshlar o’zlarini qiziqtirgan bir qator savollar bilan chempionlarga murojaat qildilar.

Savollarga javob berish jarayonida H.Do’smatov va I.Xoldorovlar o’zlarining sodda, samimiy va kamtarligi bilan talaba-yoshlar hurmatini qozondilar.

Uchrashuv yakunida institutning Yoshlar masalalari va ma’naviy-ma’rifiy ishlar bo’yicha birinchi prorektori B.R.Axmedov fikr bildirib, ushbu tadbirni tashkil qilish va o’tkazishga rozilik berganliklari uchun har ikkala sportchiga minnatdorchilik bildirib o’tdi.