NAVROʻZ – UMUMXALQ BAYRAMI MUNOSABATI BILAN SPORT MUSOBAQALARI BOʻLIB OʻTDI

Andijon davlat chet tillari institutida 21-mart – Navroʻz bayrami munosabati bilan sportning volleybol hamda mini-futbol turlari boʻyicha musobaqalar boʻlib oʻtdi.

Dastlab talaba-qizlar va talaba-yigitlar oʻrtasida volleybol oʻyinlari boʻlib oʻtib, unda qizlar oʻrtasida Ingliz tili va adabiyoti fakulteti, yigitlar oʻrtasida esa Ingliz filologiyasi, oʻqitish metodikasi va tarjimashunoslik fakulteti talabalari gʻoliblikni qoʻlga kiritdilar.

Mini-futbol boʻyicha 1-2-kurs talabalari oʻrtasida oʻtkazilgan bahslarda Ingliz tili va adabiyoti fakulteti talabalari gʻoliblikni qoʻlga kiritib, keyingi bosqichga yoʻllanma oldilar.