Bo‘limning asosiy maqsadi:
Respublikada ijtimoiy-siyosiy, iqtisodiy, ma’naviy sohalarda olib borilayotgan islohotlarni amalga oshirishda institutning ilm-fan yo‘nalishlari doirasida malakali rahbar kadrlar tayyorlash, institutda ilmiy-innovatsion, ilmiy-pedagogik kadrlar tayyorlash sohalarini kompleks rivojlantirish.
Bo‘lim ilmiy-tadqiqot ishlari hamda grant loyihalari bilan bog‘liq faoliyatini fakultetlar, kafedralar va tegishli bo‘limlar bilan kelishgan holda amalga oshiradi.
Ilmiy tadqiqotlar, innovatsiyalar va ilmiy-pedagogikkadrlar tayyorlash bo‘limining asosiy vazifalari:
– institutning ilmiy tadqiqot faoliyatini rivojlantirishga doir yo‘l xaritasini ishlab chiqish va bajarilishini muntazam nazorat qilish;
– institutda oliy ta’limdan keyingi ta’lim institutlari uchun qabul jarayonini tashkil etish, izlanuvchilarning shaxsiy ish rejalari, dissertatsiya mavzularini tasdiqlash va muntazam monitoringini olib borish;
– institutda tadqiqotchilar uchun yil davomida malakaviy imtixonlarni mutaxassislik hamda chet (ingliz, nemis) tili fanlaridan malakaviy imtixonlar tashkil etish;
– institutda ilm-fan bilan shug‘ullanayotgan professor-o‘qituvchilarga yetarli shart-sharoit yaratish maqsadida ularning dissertatsiya mavzularini institut Kengashida muhokamadan o‘tkazgan holda OAK byulletenida nashr ettirishga ko‘maklashish;
– institutda innovatsion faoliyatni rivojlantirish maqsadida ilmiy, innovatsion, fundamental, amaliy va start-ap loyihalarini ishlab chiqqan holda ularni turli respublika hamda xorijiy grant tanlovlarida ishtirok etishini ta’minlash;
– kafedralar tomonidan ilmiy seminarlar, xalqaro va respublika konferensiyalari va simpoziumlarni oʻtkazishga koʻmaklashish, ushbu tadbirlar yakunidagi ilmiy tavsiyalarni keng jamoatchilikka tadbiq qilish.
– kafedralarning ilmiy tadqiqot jarayonlarini faollashtirish, ularning me’yoriy-uslubiy va axborot-resurs ta’minoti sifatini oshirish orqali ilmiy ishlanmalar koʻlamini kengaytirish va ularni amaliyotga tadbiq etish orqali sohalar buyurtmalari va ishlab chiqarish korxonalari bilan hamkorlikni yo‘lga qo‘yish;
– Oʻzbekiston Respublikasi Oliy ta’lim, fan va innovatsiyalar vazirligi hamda boshqa tashkilotlar bilan oʻzaro hamkorlik aloqalari oʻrnatilishini tashkil etish, axborotlar almashib turilishini ta’minlash;
– ilmiy nashrlar bazasini rivojlantirish, ilmiy tadqiqotlarni adabiyotlar, statistik ma’lumotlar bilan ta’minlashning barqaror tizimini shakllantirib borish;
– xorijiy universitetlar, tadqiqot markazlari va institutlari bilan hamkorlikda xorijiy ilmiy tadqiqot, maslahat va oʻquv markazlari bilan ilmiy hamda amaliy aloqalarni oʻrnatish, rivojlantirish va mustahkamlash;
– ilmiy-tadqiqot faoliyatida yuqori natijalarga erishgan professor-o‘qituvchilarni moddiy ragʻbatlantirish hamda ular uchun maxsus mukofotlar ta’sis etish;
– institut reytingini respublika hamda xorijiy miqyosda yuqori o‘rinlarga ko‘tarish maqsadida istiqbolli reja ishlab chiqish va unda belgilangan vazifalarni o‘z muddatida amalga oshirish.
