ANDIJONDA “DXX KUBOGI-2024” GʻOLIBI ANIQLANDI

O‘zbekiston Respublikasi Davlat xavfsizlik xizmati sog‘lom turmush tarzini targ‘ib qilish, yoshlar o‘rtasida futbolni ommalashtirish, shuningdek, ular orasidan iqtidorlilarni aniqlash hamda qo‘llab-quvatlash maqsadida futbol va mini-futbol bo‘yicha an’anaviy Davlat xavfsizlik xizmati kubogini o’tkazib kelmoqda.

Ushbu musobaqa qariyb 3 yildan buyon an’anaviy tarzda o’tkazib kelinayotgani va minglab, millionlab yoshlarni o’z bag’riga chorlayotgani bilan ahamiyatli.

Joriy yil ham mahalla, tuman bosqichlarida g’olib bo’lgan jamoalar keyingi bosqich – viloyat bosqichida bellashdilar va yakunda «Poloson» hamda «Gumbaz» jamoalari finalga yetib keldilar.

Final bahsi muhtasham «Bobur arena»da o’tkazildi va unda Andijon davlat chet tillari instituti rektori D.A.Rustamov boshchiligida institutning mehnat jamoasi, talaba-yoshlar ham ishtirok etib, o’zlari muhlislik qilgan jamoani qo’llab-quvvatlab turdilar.