Xabaringiz bor (https://t.me/adchti_uz/23297), Andijon davlat chet tillari instituti hamda Singapur Amity Global universiteti o’rtasida yo’lga qo’yilgan hamkorlik bo’yicha Andijon davlat chet tillari institutining istalgan ta’lim yo’nalishi 1, 2, 3-bosqich talabalari shartnoma asosida Singapur Amity Global universitetida 12 oylik akademik mobillik asosida o’qish imkoniyatiga ega bo’lgan edilar.
Bugun ushbu imkoniyatdan foydalanishni istagan bir guruh talaba-yoshlarimizdan iborat jamoa Ingliz filologiyasi, o’qitish metodikasi va tarjimashunoslik fakulteti Gid hamrohligi, madaniyatlararo muloqot va tarjimashunoslik kafedrasi mudiri M.Qosimova boshchiligida Singapur Respublikasi tomon safarga yo’l olmoqdalar.
Institut ma’muriyati, professor-o’qituvchilar hamda talaba-yoshlar nomidan ushbu talabalarimiz safarlari bexatar bo’lishi, manfaatli bilimlar egallashlarini tilab qolamiz.
