ISKANDAR SATTIBOYEV ISHTIROKIDA UCHRASHUV BOʻLIB OʻTDI

Andijon davlat chet tillari institutida institut sobiq talabasi, Buyuk Britaniya qirolligi tomonidan tashkil qilingan tanlov g’olibi, Xalq ta’limi a’lochisi, «BIS English» o’quv markazi direktori, bir necha kitoblar muallifi, minglab o’quvchi-yoshlar ustozi Iskandar Sattiboyev bilan uchrashuv bo’lib o’tdi.

Uchrashuvni institut Xalqaro hamkorlik bo’limi boshlig’i D.Ahmadaliyeva ochib berdi va so’z navbatini kun qahramoni – Iskandar Sattiboyevga berdi.

I.Sattiboyev o’z fikrlarini Andijon davlat chet tillari institutida ta’lim olishni boshlagan kezlaridan va talaba sifatida erishgan yutuqlaridan boshlab, hozirgi kunga qadar bosib o’tgan mehnatga, mashaqqatga to’la muvaffaqiyatli yo’li haqidagi hikoya bilan davom ettirdi.

Shundan so’ng ishtirokchilar o’z savollari bilan murojaat qildilar va mutaxassis ularni qanoatlantiradigan to’liq javoblar berdi.

Uchrashuv yakunida so’z institutning O’quv ishlari bo’yicha prorektori E.E.Kurbanovga berildi. Elbek Elmurodovich o’z nutqi davomida I.Sattiboyevga o’zaro hamkorlik uchun minnatdorchilik bildirib, tashakkurnoma hamda esdalik sovg’alarini topshirdi.