INSTITUTDA TARGʻIBOT TADBIRI OʻTKAZILDI

Andijon davlat chet tillari instituti Iqtidorli talabalarning ilmiy-tadqiqot faoliyatini tashkil etish boʻlimi va Andijon Yoshlar Texnoparki bilan hamkorlikda «Startap» hamda «Biznes g’oya» ga ega bo’lgan talabalar bilan «InnoX» biznes inkubator mashg’ulotlari yuzasidan targ’ibot tadbiri o’tkazildi.

Ushbu seminar treningda Andijon Yoshlar Texnoparki direktori Sh.G’ulomov tomonidan loyihalarni amaliyotga tadbiq etish, loyiha hujjatlarini to’g’ri shakllantirish, investorlarni jalb qilish va taqdimotlarni tayyorlash kabi yo’nalishlarda masterklass o’tkazildi.

Ayni vaqtda startap loyihasi mavjud bo’lgan talabalarni «InnoX» biznes inkubatoriga jalb qilish bo’yicha institut rahbariyati bilan kelishuvlar amalga oshirildi.