REKTOR SOVRINI UCHUN INGLIZ TILI FAN OLIMPIADASINING PAXTAOBOD TUMANI BOSQICHI BOʻLIB OʻTDI

Bugun – 18.04.2024-yil kuni Andijon viloyati Paxtaobod tumani 69-IDUMda ham Andijon davlat chet tillari instituti rektori filologiya fanlari doktori (DSc), professor Dilshodbek Abduvahidovich Rustamov sovrini uchun tumandagi 9 va 11-sinf oʻquvchilari oʻrtasida Ingliz tili fan olimpiadasining tuman bosqichi boʻlib oʻtdi.

Institutning Roman-german va slavyan tillari fakulteti dekani M.Pazilov hamda Nemis tili nazariyasi va amaliyoti kafedrasi mas’ulligida tashkil qilingan ushbu olimpiada Oʻzbekiston Respublikasi davlat madhiyasi ijrosi bilan boshlandi.

Keyin esa dekan M.Pazilov ochilish nutqini soʻzlab, ishtirokchilar va ularning ustozlariga olimpiadani oʻtkazishdan koʻzlangan maqsad haqida fikrlar bildirdi.

Shundan soʻng barchaga omad tilab, ishtirokchilar guruhlar kesimida xonalarga taklif qilindi.

Olimpiadaning tuman bosqichi yakuni munosabati bilan oʻtkazilgan taqdirlash marosimida tuman hokimi Sh.H.Babayev va institutning Ilmiy ishlar va innovatsiyalar bo’yicha prorektori M.A.Kurbanovlar soʻz olib, bugungi kunda yurtimizda yoshlar, ularning ilm olishiga boʻlgan e’tibor haqida fikrlarini bildirib oʻtdi. Olimpiadaning gʻolib va sovrindorlari aniqlanib, ular maxsus diplom va esdalik sovgʻalari bilan taqdirlandilar. Endi ular viloyat bosqichida asosiy sovrin uchun bellashadilar.