PROFESSOR-OʻQITUVCHILAR BILAN MA’NAVIY-MA’RIFIY ISHLAR SAMARADORLIGINI OSHIRISHGA QARATILGAN YIGʻILISH OʻTKAZILDI

Bugungi globallashuv jarayonida talaba-yoshlardagi vatanparvarlik, milliy qadriyatlarga muhabbat hislarini – umuman olganda ularning ma’naviy qiyofasini shakllantirishda professor-oʻqituvchilarning roli beqiyos.

Ayni shu maqsadda Andijon davlat chet tillari institutida mas’ullar hamda professor-oʻqituvchilar oʻrtasida institutda ma’naviy-ma’rifiy ishlar samaradorligini oshirishga qaratilgan yigʻilish oʻtkazildi.

Yigʻilishni institutning Yoshlar masalalari va ma’naviy-ma’rifiy ishlar boʻyicha birinchi prorektori B.R.Axmedov ochib berdi va kun tartibidagi masala yuzasidan oʻz fikrlari, takliflarini bildirib oʻtdi.

Shundan soʻng yigʻilishda ishtirok etayotgan fakultet dekanlari, professor-oʻqituvchilar ham oʻz mulohazalarini oʻrtaga tashladilar.